Blog

full blog


post image

Ka Kyrwoh

Nga ai khublei ia phi baroh kiba don ha kane ka jaka, khamtam eh ia ki nongialam bad ki nongseng jong ka Ryntih Sports & Cultural Club kaba lah long ka jingkyrkhu kaba khraw, ym tang ia ki Rang-ialehkai, hynrei ruh iaka shnong ka thaw, bad kumjuh ruh iaka jylla hi baroh kawei.
Kawei kaba shan khmat ia nga shaphang ka Ryntih Sports & Cultural Club ka long ka Motto jong ka Club kaba ong- “Youth Is The Tourch Of The Future”, ha kaba kane ka “Tourch” lane ka “Sharak” ka long ruh ka snab (Symbol) jong ka Club.
Ha ka Olympic ka “Sharak” ka thew ia ka PEACE (Jingsuk), FRIENDSHIP ( Jingiadei Paralok), TOLERANCE (Jinglah ban shah) bad HOPE (Jingkyrmen).
Haba nga pule ia ka Mission, ka Vision, jong ka club bad ruh ka caption “About Ryntih” kaba don ha ka website jong ka club, ka khubor kaba ka Club ka kwah ban pynpaw sha ka pyrthei ruh ka iadei bad kine-kata ka jingsuk,jingiadei paralok, Jinglah ban shah bad ka Jingkyrmen.
Kumba ngi tip hi baroh ba haka jinglong Samla, ki bun kiei kiei ki diengpynkiang bad ki jingkynduh ba ki ia tyngkhuh ha ka jingim. Lyngba ka jingmih jong ka Ryntih Sports & Culturals Club, ki khynnah samla ki ioh ban pynleit jingmut sha ka liang ka sports kaba ai ia ka jingmyntoi ym tang ia ka met ka phat hynrei ruh ka ai jingmyntoi ia ka jingmut jingpyrkhat kaba long kaba kongsan khamtam eh mynta, ha kane ka juk ba ki khynnah samla ki ngop ha bun jait ki jingsniew kum ki droks, ki jingdih pynbuiaid bad kiwei kiwei ki kam sniew jong ka juk mynta. Kumta, na ka jingmih jong kane ka club,ka lah long ka lad ban ai kam iaki khynnah samla kiba don ia kane ka sap kaba kyrpang ha kane ka jingialehkai.
Kumta, nga kitbok-kitrwiang ia kane ka Club, khamtam eh ia U President jong kane ka Club, I Bah Wallam Kupar Kharpran, I Secretary I Bah Manbha Kupar Khongwir bad kiwei kiwei ki nongbat kam jong ka Club, kumjuh ruh ia baroh ki rangialehkai, ba U Blei Un don ryngkat, Un iada bad Un pyniaid iaka jingthmu jong ka Club hi baroh kawei.


Shri. Vivek Syiem, MPS
Superintendent of Police (City),
East Khasi Hills, Shillong